Super Star-14

9 min read

Desi stories ke is bhaag mein main apne paaye mukaam mein aage badhte huye apni pahli film ki kahani ko sunte huye Subhash ji se Nisha ke liye sifarish kiya..

Unhone kahani sunana shuru kar diya.

‘Ye kahani hai ek ladke ki.. Jiske Maa-Baap ka death bachpan mein hi ho gaya tha. Use bachpan se hi khyaal rakhne ki aadat thi.. Uske paas itni daulat thi ki uski khud ki zindagi to araam se gujar sakti thi.. Par use agar kuch kami thi to pyaar ki. Bachpan mein jab se accident mein uske parivaar waale chale gaye thay.. Tab se hi wo har Maa-Baap ko dekhta. Bina parvarish se use ek maansik bimaari ho jaati hai ‘Switch personality disorder.’ Ye ek aisi bimaari hai.. Jismein ek hi insaan apne jeevan mein do alag-alag kirdaar nibhata hai. Jiska ek pahloo to pyaar ki talaash mein tadapta rahta hai.. Par wahin doosra pahloo har din girlfriend badalta hai.

Kahani mein twist tab aata hai jab us ladke ko ek hi parivaar ki do Bahanon se pyaar ho jaata hai.

Main unhein rokta hua bolne laga- Do ladkiyon se ek sachha pyaar?

Subhash ji- Yahi to twist hai. Us ladke ko to pata bhi nahin hai ki uske zindagi mein do kirdaar hain.. Aur isi wajah se wo ek saath do ladkiyon se pyaar kar baitha hai. Wo bhi dono sagi Bahanen.

Uske sachhe pyaar ki wajah se dono ladkiyan bhi use apna dil de baithti hain.. Par kahani ke aakhir-aakhir tak dono ladkiyan ko is sachhai ka pata nahin pata hai ki dono ek hi insaan ke pyaar mein hain.

Kahani ke climax mein dono ladkiyon ko uske Baap ka dushman utha le jaata hai aur jab wo dono ko us gunday se bachata hai.. Tab jaake ladkiyon ko uski asliyat ka pata chalta hai aur saath hi wo ladka bhi apni beemari ke baare mein jaan jaata hai.

Anth mein sab theek hone par dono ladkiyan uske saath rahne lagti hain aur ladka aakhir mein kahta hai- ‘Ek saath do ko jhelne se bhala to main paagal hi rahta.’

Main- Subhash ji is kahani ko aapne likha hai kya?
Subhash ji- Haan.
Main utha aur unke gale lag gaya.

‘Main jaisi kahani chahta tha.. Bilkul waisi hi kahani hai yah.. ‘Maine kaha.
Subhash ji- To kahani final na?

Main- Bilkul final. Ab chaliye mujhe bhookh lagi hai. Subah se kuch khaaya nahin hai, Main seedha yahi aa gaya.

Phir main aur Subhash ji paas ke hi ek restaurant mein aa gaye. Chhote shaharon mein to aisi jagahen dekhne ko bhi nahin milti hain.
Subhash ji shayad wahan aksar aate jaate rahte thay. Wahan ke manager humein Subhash ji ki pasandeeda table tak le gaye. Phir humne lunch order kiya aur aapas mein baatein karne lag gaye.

Subhash ji- Kaise mahsoos ho raha hai?
Main- Kis baat ke liye?
Subhash ji- Tumne apni zindagi mein kaafi dikkat ke baad jo mukaam haasil kiya hai.. Us baat ke liye kaisa feel kar rahe ho?

Main- Dikkat wo karte hain.. Jinki koi manzil hoti hai. Main to bina kisi manzil ke hi apne kadam aage badhaye jaa raha tha.
Subhash ji- Audition ke liye.

Main- Ji nahin. Main bhi ek dost ki file aap tak pahunchane aaya tha. Gate keeper ne kaha ki andar aane ke liye audition dena hoga… So maine de diya. Ab to meri kismat thi ki baaki kisi ko acting aati hi nahin thi.

Subhash ji- Kisi bhi kaam ka hunar do wajahon se kisi ke andar hota hai. Pahla.. Ya to usne jee jaan se us hunar ko seekha ho ya to usmein kudrati Bhagwan ki den ho aur jahan tak tumhari baat hai.. Tumse behtar actor sach mein..
Poori Mumbai mein nahin hoga. Waise kiski final lekar aaye thay tum?

Main- Nisha jo Kolkata ki rahne waali hai. Unki ek documentary dekh kar aapne call kiya tha.

Subhash ji- Haan haan yaad aaya.. Parson raat ko usne mail par baat huyi thi. Aap jaise jaante ho use?
Main- Main abhi unheen ke saath rah raha hoon.
Subhash ji- Live in relation mein!
Main- Nahin sir.. Hum dono alag-alag kamre mein rahte hain.

Ab khana aa chuka tha.

Subhash ji ne khana shuru karte huye kaha- Main sach mein Nisha ke kaam se bahut impress hoon… Aur usne to kaafi saare awards bhi jeete hain.
Yah baat mujhe nahin pata thi.

Main- Is film mein asistant direcrtor ki jagah wo nahin aa sakti hai kya?
Subhash ji- Main baat karunga. Uski jaisi kaabiliyat hai.. Mujhe nahin lagta ki use position par aane mein jyada dikkat hogi.
Main- Theek hai.. Sir aap dekh lena. Agar aap kal ki meeting karwa den to badhiya hoga.
Subhash ji- Main call karke dekhta hoon.

Phir unhone phone par kisi se baat ki aur meeting hona confirm kar liya.

Main- Thank you sir.

Subhash ji- Arre thank you mat kaho. Ab aap Yashraj banner ke star ho. Itna to hum kar hi sakte hain. Yahan aaj hum aapki jarurat ko samjhenge.. Tabhi to kal aap hamare liye waqt nikaal sakenge.

Main unki baaton ka matlab samajh chuka tha.
Khana khatm hua aur phir hum waapis studio pahunch gaye.

Subhash ji- Arre haan.. Yaad aaya aaj hamare peechli film ki success party hai. Main tumhein pata bhej deta hoon. Aaj aa jaana. Wahan tumhein film ki baaki stars se bhi milwa doonga.

Main- Theek hai sir… Waise main apne dosto ko saath la sakta hoon na?
Subhash ji- Kyon nahin.. Waise kitne pass banwa doon?
Main- Jee..Mere alawa teen pass banwa dijiyega.
Subhash ji- Theek hai.

Main wahan se nikla aur apne flat par aa gaya. Lagbhag dopahar ke teen baje thay aur ghar mein sab lunch mein busy thin.

Trishna- Aa gaye actor babu.
Main- Haan jee.. Waise mere pass aap sabke liye ek khushkhabri hai.

Mera kahna tha ki sab lunch chhod kar mujhe gher kar baith gayin.

Main- Yaar aap sab aise mat dekho mujhe.. Mujhe ghabrahat hone lagti hai.

Jyoti- Mere hujoor.. Ab iski aadat daal lo. Ab se har roj sab tumhein aise hi dekhenge.

Main- Theek hai dekho phir.

Maine Nisha ki aor dekhte huye kaha- Nisha tum apni taiyaari poori kar lo. Tumhari kal Yashraj films mein meeting hai. Ho sakta hai tumhein meri film mein asistant director banaya jaaye.

Nisha apni aakhen badi karti huyi bol padi- Kya sach mein?
Main- Haan yaar, Abhi tak maine jhooth kahna achhi tarah seekha nahin hai.
Trishna- Aur mere liye kya khushkhabri hai?

Main- Aap sab ko taiyaar hokar.. Mere saath party mein chalna hai. Yashraj ki peechli films ki success party hai. Raat 8 baje wahan pahunch jaana hai. Wahan jaao sab se milo. Ho sakta hai tum logon ka kaam bhi ban jaaye.

Mera itna kahna hi tha ki sab mere gale lag kar mere baalon ki aisi-taisi karne lag gayin aur sabne jor-jor se chillana shuru kar diya aur tez awaaz mein gaane baja kar mujhe pakad kar dance karne lag gayin.

Aaj mujhe apne ghar ki bahut yaad aa rahi thi. Agar wo sab bhi mere saath hote to kitna achha hota.

Phir sab taiyaar hone chali gayin.
Waise bhi mujhe pata tha ki in sabko taiyaar hone mein kitna waqt lagne waala hai. Isliye main thodi der ke liye sone chala gaya.

Trishna ki awaaz se meri neend khuli. 7 bajne waala tha aur tab tak sab makeup ko final touch hi de rahi thin.
Trishna taiyaar ho chuki thi.

Trishna- Arre utho bhi.. Tumhein itni neend kaise aati hai.. Film mil gayi hai.. Superstar banne jaa rahe ho.. Aur to aur.. Aaj pahli baar jinhein ab parde par dekha hai.. Unse milne jaa rahe ho. Mujhe to soch-soch kar hi romaanch aa raha hai.

Main- Mujhe meri neend sabse pyaari hai. Baaki sab jaaye bhaad mein.

Main bhi naha dhokar kapde pahan kar taiyaar ho gaya.
Jyoti- Ho gaye taiyaar.. Bas 10 minute mein!
Main- Aur nahin to kya.. Ab tumhara poora makeup kit khud par laga loon kya?
Trishna- Arre kuch to maintain karo.. Idhar baitho.. Main taiyaar karti hoon.

Mere chehre, Haath aur gale par pata nahin kya-kya laga rahi thi. Khair ab main bhi taiyaar ho gaya tha.

Tabhi Jyoti aayi aur usne apna ladies perfume mujh par spray kar diya.
Main- Yah kya kiya tumne..? Ladies perfume kyon spray kiya tumne?
Jyoti- Oh..! Sorry yaar, Main to tumhein taiyaar karne mein bhool hi gayi ki ye ladies perfume hai.

Tabhi Subhash ji ka call aaya.
Subhash ji- Maine pata bhej diya hai aur ab jaldi aa jaao. Party shuru ho chuki hai.
Maine gusse se Jyoti ko dekhte huye kaha- Theek hai Subhash ji.. Main aa raha hoon…

Maine phone kaat diya.

Ab main phir se nahane bhi nahin jaa sakta tha aur naye kapdon mein yahi aakhiri tha. So maine jyada waqt na lete huye sabse chalne ko kaha aur baahar aa gaye.

Taxi book karke hum diye huye pate par pahunch gaye. Worli mein ek hotel mein ye party di gayi thi. Hum sabne ek-doosre ka haath thaama aur hotel ke andar aa gaye. Party mein jaane waalon ki lift hi alag thi. Neeche staff ke paas ek list thi.

Maine kaha- Naksh aur mere teen guest ki entry bhi hogi.

Staff ne lift mein jaane ko kaha.

Ab hum sab apne sapne ko dekhne se kuch palon ki hi doori par thay. Main kaafi hadh tak normal tha.. Par baaki teenon ko dekh aisa lag raha tha maano teenon jor-jor se chillane waali hon.

Nisha aur Trishna ne ab tak mere haath pakde huye thay aur ab itni jor se haath daba rahi thin ki ab halka-halka dard sa bhi hone laga tha.

Khair.. Hum apni manzil par pahunch gaye thay.. Saamne ek bada sa gate tha. Gaane ki dhun aur logon ke chillane ka shor itna tha ki gate band hone ke bawjood bhi main sun sakta tha. Hum sabne ek gahri saans lee aur gate ko dhakka de andar aa gaye.

Yahan itna dhuaan tha ki main bardaasht nahin kar paaya aur khaanste huye baahar aa gaya. Meri itni himmat nahin ho rahi thi ki main dubaara andar jaane ki koshish karta. Main deewar se tik kar aankhein band kar khada ho gaya. Ek behad meethi awaaz se mera dhyaan toota.

Kisi behatreen kaarigar ki tarashi huyi sangmarmar ki murti ki tarah thi wo..

Kahani par aap sabhi ke vichaar aamantrit hain.
Kahani jaari hai.
[email protected]

Dosto mujhe Nisha ke kaabiliyat ka khyaal tha aur saath mein aur dono ka bhi jiske liye main un teeno ke saath ek film ke party mein pahuncha jise main apne is desi stories ke agle bhaag mein pesh karunga..

Written by

akash