Fulwa

12 min read

Hindi sex stories ki meri yeh kahani us Fulwa ki hai jo apne Pati ke pardes chale jaane ke baad ek gair mard ke bachhe ki Maa ban kar usi ki ho jaati hai..

Uska Pati dheeru do baras pahle shahar kamane chala gaya. Gaune ke 4 maah baad hi 4-6 janon ke saath wah chala gaya.

Tab se akeli Fulwa ghar grihasthi sambhaal rahi hai. Ghar ka darwaaza baans ki fatti jodkar bana hai. Usi mein saikdon rupaye nikal gaye hain.

Ab Gauri hi uski aajeevika ka saadhan hain din bhar ghar ka kaam aur Gauri ki dekhbhaal ! Yahi uska jeewan hai. Jab dheeru tha tab mehnat-majdoori se paise laata tha. Katar-byont karke Fulwa gaon ke chaube jee ki bachhiya khareed laayi thi. Chand si Gauri bachhiya ka naam usne Gauri hi rakha. Badi hokar yah uska sahara banegi yahi sochkar Fulwa ne Gauri ko aulaad ki tarah paala. Gauri bhi uski ek pukaar par khana-peena chhodkar daudi chali aati thi. Fulwa ke to pran Gauri mein hi baste thay.

Dheeru ko shahar gaye do baras beet gaye. Kahkar gaya tha ki ‘Chhat parv’ Par aa jaayega lekin nahin aaya.
Is baar wah aas lagakar baithi hain abhi to ek mahina baaki hai ‘Parv’ aane mein.

Kabhi-kabhi phone se baat hoti hain lekin phone se baat karke mann to bharta hai lekin deh ki maang poori nahin hoti.

Gauri ki deh jo sukh maang rahi hai Fulwa bhi to wahi chahti hai. Gauri to kisi ke saath jaa sakti hai lekin Fulwa to samaaj ke banaye bandhan ko tod nahin sakti. Badan ka por-por dukhne lagta hai, Mann karta hai koi use apne apne seene mein bheench le taaki uski ek-ek haddi chatak jaaye lekin mann ki ichha mann mein hi rah jaati hai. Bairi samaaj nahin uska Pati Dheeru hai jo 4 mahine ka saath dekar Pardes chala gaya. 2 saal se baitha hai shahar mein aur yahan Fulwa ki deh tadap rahi hai.

Us din ki ghatna uski aankhon ke aage aa gayi jab wah Gauri ke liye ghaas chhilne khet mein gayi thi.
Gaon ka chhail chhabila Rajua use dekh kar kankhi maar baitha tha. Wah apni bhains chara raha tha. Fulwa ke roop se baura kar virha ki taan chhed baitha tha. Virha ki taan ne Fulwa ka dukh doona kar diya tha.
Rajua ke ghunghraale baalon ke beech chamakta uska saanwla mukhda aur us par mannmohini hansi bahut jaanlewa thi.

Fulwa ki aor munh kar kaanon par haath daalkar jab usne gaana shuru kiya- ‘Aahe dhani, Moh le hammar pran…’

Tab Fulwa ka gora chehra laaz se laal ho gaya tha. Usne tedhi nazaron se Rajua ki aor dekha tha jo ‘Khi khi’ Karke hansne laga. Rajua ki mannmohini hansi Fulwa ke mann ko choo gayi thi. Uske saanwale mukhde se jhaankti safed dant-pankti par wah mugdh ho gayi thi. Fulwa use dekhkar Dheeru ko yaad karne lagi. Ghaas ko tokri uthwaane ke kram mein Rajua ne dheere se uski ungliyan daba kar kaha- Bhauji, Tumhara chehra asmaan ke chanda se bhi jyada sundar hai.

“Dhatt pagla !” Kahkar Fulwa khurpi tokri mein rakhne lagi. Khurpi rakhte samay uska aanchal hatt gaya tha, Usne dekha Rajua pyaasi aankhon se use nihaar raha tha. Fulwa laza gayi aur khet ki medh taraf badh gayi. Abhi bhi Rajua ki pyaasi aankhein uski deh mein gad rahi thin.

Gauri ke uthne se Fulwa ke bheetar bhi ek ajeeb bechaini ghar karne lagi thi. Uska mann bhi purush sang ke liye akulaane laga lekin uska Dheeru to door hai. Wah Dheeru ko yaad kar Rajua ki yaad ko door karne ka prayaas karne lagi.

Raat ki kaali chadar ne poore gaon ko apne bheetar sama liya tha. Fulwa tabele se ghar ke bheetar aa gayi lekin Gauri ka rambhana-dakaarna jaari raha, Puchkaar-dulaar se kahin deh ka bharam door hota hai !

Tabele mein Gauri rambha rahi thi jhopdi mein Fulwa kasmasa rahi thi. Uski aankhon ke saamne Dheeru ke badle Rajua ka saanwla salona mukhda tair raha tha. Rajua ki aankhon ki trishna aur ungliyon ka sparsh uske bheetar pulak bhar raha tha, Uska poora badan dukh raha tha kintu bairan raat beech mein khadi thi aur wah Rajua se milne chali jaati yadi din hota to. Kisi tarah raat gujre to hi wah Rajua ko dekh sakegi, Apne mann ki laalsa poori kar sakegi. Yahi sochte sochte uski aankh lag gayi.

Doosre din Gauri ko lekar wah naton ki basti mein gayi. Gauri ko unke paas chhodkar Rajua ke paas daudi gayi- Dekh Rajua ! Gauri ko sundar nat ke paas chhod aayi hoon, Wah ‘Uth’ gayi hai. Zara jaakar ‘Haar-samhaar’ Kar de. Main tahri jani jaat. Ye sab kaam to mere se hone se raha.

“Bhauji kaho to tumhara bhi ‘Haar-samhaar’ Kar dein? Main to kab se taiyaar baitha hoon. Tanik ishaara to kara, Dekho main kaise samhaarta hoon tumko !” Honthon par sharaarti hansi daba kar Rajua bola.

“Door ! Pagla-baura gaya hai kya? Abhi manjhli Kaaki se kahti hoon ki tumhara byaah jaldi kar dein !” Aankhon mein ras bhar kar Fulwa boli.

“Haan kaho na, Main bhi taiyaar hoon tumse chumauna karne ko.”

“Gaon waale nikaal denge gaon se.”

“Tum saath dogi to jungle mein bhi mangal hoga.”

“Achha, Abhi to Gauri ko hi ‘Samhaar’ ! Phir dekha jaayega.”

Fulwa ke aadesh par Rajua sundar nat ke thaan par chala gaya. Wahan Gauri ko dekhkar Fulwa Bhauji kar chehra yaad aata raha. Mook Gauri bhi dehdharm ko bhool nahin paayi to Fulwa Bhauji kaise kaat rahi hai din?
Dheeru bhi kamaal hai. Nayi byahata Patni ko chhodkar shahar chala gaya. Waah re rupaiya ka khel. Arre yahan rahkar kam hi kamata lekin ghar pariwaar ko to dekhta. Paisa ka itna laalach tha to biyaah hi nahin karta !

Mann mein tarah-tarah ke vichaaron se joojhta Rajua Fulwa ke prati gahra aakarshan karne laga, Use Bhauji ke prati sahanubhooti hone laga. Fulwa Bhauji ka gora rang, Aam ki faank si aankhein aur paan ki tarah patle honth uske mann ko chumbak ki tarah kheench rahe thay. Gauri ki pukaar par sundar nat ka saand dauda chala gaya. Rajua ka mann bhi usi tarah pawan weg se Fulwa ke paas daudne laga.

Gauri ko lekar jab Rajua lauta to saanjh hone lagi. Ek dhoondhla ujaala chha raha tha. Dhoosar asmaan par ‘Shukwa’ Akela uag aaya tha. Uski madhim roshni ek udaasi jaahir kar rahi thi. ‘Shukwa’ Taara jab udaas hota hai tab Arundhati aakar uski udaasi door karti hai, Aisa Maai kaha karti thi. Rajua bade gaur se akaash mein ugte taaron ko dekha karta tha. Maai se hi usne jaana tha ki jab shuk-shukin milte hain tab lagan ka samay aata hai bayaah ka muhurt nikalta hai.

Aaj jab usne asmaan par nigaah daali tab use akela ‘Shukwa’ (Shukratara) hi nazar aaya. Uski udaasi roshni mein use Fulwa Bhauji ki chhaya dikh padi. Usne nischay kiya ki wah Fulwa Bhauji ko udaas nahin rahne dega. Jab wah Fulwa ke ghar par aaya to raat ka ek pahar guhar chuka tha. Krishnapaksh ki andheri raat taaron ki jagmagaahat se jhilmila rahi thi.

Rajua Gauri ko haankkar tabele mein le gaya. Wahan Fulwa dikhaai nahin padi. Use khoonte se baandhkar wah jhopdi ka darwaaza kholkar andar aaya. Bansaat par soyi Fulwa ka anchal zameen par gira hua tha. Gale ki neeli nasein saans ke aane jaane se hil rahi thi aur uska gora badan chandi ki katori sa dipdipa raha tha.

Rajua ka kaleja hilorein lene laga. Nason mein khoon ubalne laga, Bheetar ka hins pashu saamne shikaar dekhkar machalne laga. Usne dheere se banskhat ki aor pair badhaya, Tabhi Fulwa ki neend khul gayi.

Rajua ko dekhkar wah uth baithi, Aanchal sambhaal kar apna poora badan dhak liya. Rajua ka laal-bhabhooka chehra dekhkar wah ghabra gayi, Poocha- Gauri theek hai na? Tum is tarah ghabraye huye kyon ho?

Rajua ne bhariye swar mein kaha- Haan, Bhauji, Gauri theek hai, Use tabele mein baandh aaya hoon. Kya tum do pal baithne ko nahin kahogi din bhar to halkaan hua hi hoon.

Fulwa uthkar khadi ho gayi aur banskhat uski aor badhakar hansti huyi boli- Baitho aur chai banati hoon, Peekar jaana.

“Haan Bhauji ! Tum jo dogi apne mann se le loonga khushi se.”

“Babua, Lagta hai bahut thak gaye ho. Khushi se chehra utar gaya hai.”

Fulwa aag jalakar chai banane lagi. Rajua use ektak dekhta raha. Aag ki lapton Fulwa ka gora mukhda damak raha tha aur Rajua ke seene mein toofan machal raha tha. Raat ka nirjan ekaant akeli Fulwa chaaron aor ka sannata.

Uske mann mein fulwa ko paane ki ichha balwati ho rahi thi.

Bechaini door karne ke liye jeb se bidee nikaal kar kash kheenchkar usne dhunwa Fulwa ke munh par daala.

Kritrim gusse se Fulwa ne uski aor dekha aur kaha- Kya babua, Jalne jalaane ke liye dhunwa kaafi nahin hota.

“Bhauji, Main to jal hi raha hoon, Tumhi mere tan mann ki aag bujha sakti ho.”

Fulwa ne chai ka glass uski aor badha diya. Ek ghoont peekar glass neeche rakhkar Rajua uski aor badh aaya aur uska haath pakadkar apni chhati par le aaya. Rajua ka dil tezi se dhadak raha tha. Tabhi usne Fulwa ko apni baahon mein bheench liya.

Yah kahani aap AntarvasnaDesiStories.com par padh rahe hain !

Rajua ki tez saansein uske nathunon mein ghusne lagi. Bina kisi virodh ke wah uske seene mein samaane lagi, Uska por por lahakne laga. Wah siharti gayi, Simatti gayi aur uski hatheli par raat ne chand rakh diya.

Jhopdi ki mitti puti deewarein gungunaane lagi aur wah bhool gayi ki wah kisi doosre ki byaahta hai ! Bhool gayi Dheeru ko jiski har din har samay intezaar karti thi.

Dehdharm saari varjanaao par vijay hua. Uska deh chingaari ki tarah dhadhak uthi.

Patton ki tarah jharte dinon ko mutthi bhar akaash ne thaam liya.

Rajua ke jaane ke baad Dheeru ki yaad use betarah satane lagi. Na jaane wah shahar mein kaise rahta hoga. Aaj kitna bada paap kar baithi !

Hey Ram, Main ab kaise jaaungi Dheeru ke saamne ?

Antarvardhanav se ghiri Fulwa foot-foot kar ro padi. Deh ki tripti ke liye wah Sita-Savitri ka Pativrat bhool gayi, Glani se bhar kar wah Ahilya ki tarah patthar ban gayi.

Doosre din wah jab khet mein ghaas chhilne gayi tab Rajua use dikhai diya. Usne udaas chehre ko dekhkar Rajua ne poocha- Kya baat hai Bhauji, Udaas kyon ho?

“Na jaane kaun se saait mein tumse mulakaat huyi ki itna bada paap ho gaya ! Roti huyi Fulwa boli.

Rajua ne uska aansuon se bhara chehra apni hatheli mein bhar liya. Kachnaar fool ki tarah dipdipata chehra murjha gaya tha lekin Rajua ke sparsh se wah laal ho utha.

“Dewarjee, Main ab kahin ki nahin rahi !” Rundhe gale se Fulwa boli.

“Kyon Bhauji? Hum to zindagi bhar tumhara saath dene ko taiyaar hain. Aajma kar dekh lena.”

Do mahine beet gaye. Fulwa ko pair bhari hone ka andesha laga, Dheeru aaya nahin. Gaon, Samaaj ka bhay, Lok lazza ka khayaal use bechain karne lagi. Akeli aurat gaon waalon ko to neenda-ras ka sukh milega lekin uski kitni fazihat hogi yah sochkar wah pareshaan ho uthi.

Uski Gauri bhi gaabhin ho gayi hai, Mann mein isse uchhah hai lekin apni dasha se wah sharminda hai.

Dheeru se use virikt hone lagi. Nayi byaahta ko chhodkar do barson se shahar waasi ho gaya hai. Udhar to phone bhi nahin aa raha hai uska. Aane ki baat to door rahi ! Kaise jee rahi hai wah yah bhi nahin poochta hai.

Aur yah Rajua chhoti-chhoti pareshaaniyon ko chutki mein hal kar deta hai. Lekin gunaah ki kaali chhaya uske bheetar garbh mein palne lage hai, Yah baat ashay ho gayi hai.

Din pathik ki tarah beetne lage. Fulwa ka pet badhne laga, Mool chandrma ki tarah aur uski chintayein bhi. Logon ke beech wah kya munh dikhayegi.

Rajua uski toh lene aata to wah usse munh fer leti thi. Rajua ki samajh mein kuch nahin aata tha,
Wah Fulwa ki berukhi se hairaan tha. Fulwa kyon door bhaag rahi hai wah samajh nahin paa raha tha.

Us din sharad puno ki raat thi. Chaaron aor chandni bikheri thi. Fulwa doodh bech kar laaye paison ko sambhaal kar peti mein rakh rahi thi tabhi baans ke darwaaze ko thelta hua Rajua uske paas aa pahuncha.
Uska murjhaya chehra dekhkar Fulwa ko daya aayi, Wah aaj uski avhelna nahin kar paayi. Rajua ka saanwla chehra dubla lag raha tha, Nishprabh aankhon mein pahle jaisa ullas nahin tha. Wah Fulwa ke aage haath jodta hua bola- Bhauji, Meri ek baat sun lo, Phir mujhe ghar se baahar karna. Tumhein mujhse kyon itni ghinn aa rahi hai ki mujhse baat nahin karti ho? Batlaoge tab to main kuch samjhoonga.

Fulwa ne apne pet ki aor ishaara karke kaha- Dekh rahe ho mujhe. Main tumhare bachhe ki Maa banne waali hoon. Dheeru lauta nahin. Log kya kahenge yahi sochkar main pareshaan hoon.

Rajua ke chehre par khushi ki laali laut gayi. Wah Fulwa ko donon baahon mein bhar kar bola- Bhauji, Dheeru aaye na aaye, Main kal hi tumse chumauna karoonga. Hamare bachhe ko koi kuch nahin kah sakega. Uska Baap main hoon. Tumne mujhe pahchana nahin Bhauji. Tum meri Fulwa ho aur hamara bachha Suraj hoga !

Rajua aashvasit deta hua bola to Fulwa ke chehre ki kaalima door ho gayi aur uske chehre par dupahriya ke fool khil uthe, Uska vartmaan, Bhavishya sabhi surakshit ho uthe !

Dheeru aaye na aaye uske sir par Rajua ka balishat haath jo hai.

Fulwa ki aap beeti aap sab paathkon ko jarur achha laga hoga aur maafi chahunga agar meri is hindi sex stories likhne mein koi galti huyi ho to..

Written by

guruji