Santan Ke Liye Parpurush Sahwas- Part 1

19 min read

Do saheliyon ke beech santaan ki praapti karne hetu ek ajeeb sexy stories aapke saamne pesh hai jismein main Maa banne ke liye apni Saheli ka sahyog maangi..

Antarvasna Desi Stories ki paathikaon ewam paathkon ko T P L ki aor se namaskar!
Mere dwara peechli prakashit rachna ‘Jeeja Saali Ka Paarasparik Hast-Maithun’
ko padh kar apne vichaar bhejne waale sabhi paathikaon ewam paathkon ko mera dhanyawaad.

Uprokt rachna ke prakashan ho jaane ke baad mujhe Chhatisagarh Pradesh ki rahne waali ek mahila Amrita Soni ka sandesh mila tha.
Us sandesh mein us mahila ne apne jeewan ke itihaas mein se kuch prishthon ko aap logon ke saath share karne ki ichha wyakt ki hai.

Us mahila ke saath kuch saptaah ke mahatwapoorn patrachaar ke baad jo vivaran mujhe praapt hua maine use sampadit tatha vyakaran ewam bhaasha sudhaar kar ke aapke saamne pesh kar rahi hoon.

*****

Antarvasna Desi Stories ki paathikaon ewam paathkon ko mera abhinandan.
Mera naam Amrita Soni hai aur main peechle 25 saalon se apne Pati Amit Soni ke saath Chhatisgarh ke ek mahatwapoorn udyogik shahar mein hi rah rahi hoon.

Mere Pati yahaan ke ek bahut bade bijlee utpadak sanyantra mein oonche pad par kaarya karte hai tatha humen rahne ke liye usi sanyantra ki awaas pariyojna mein hi ek ghar mila hua hai.
Hamaare ghar ke bilkul saath waale ghar mein us sanyantra ke ek anya uchh adhikaari Sanjeev Khanna tatha unki Patni Anita rahte hain.

Peechle warsh meri 21 warshiya putri Vaishali ki shaadi ke awsar par Anita aur uske Pati Sanjeev ne hamaari bahut sahayata ki thi.
Shaadi ke safalta poorvak sampann hone ke baad jab Vaishali ki doli jaa rahi thi tab vaatavaran bahut hi bhaawuk ho gaya tha aur sabhi ki aankhen nam thi.

Lekin un nam aankhon ke jhund mein sirf ek hi insaan aisa tha jiski aankhon mein se lagataar ganga-yamuna bah rahi thi.
Wah na to main thi, na mere Pati thay, na koi kareebi sambandhi tha aur na hi koi dost ewam sakhi-saheli thay, balki wah insaan tha Sanjeev Soni.

Sanjeev foot-foot kar kyon ro raha tha iska kaaran kisi ko bhi samajh nahin aa raha tha.
Kuch adosi-padosi jo aapas mein khus-pusa kar ek kaaran bata rahe thay wah tha ki Vaishali ka bachpan se hi Sanjeev ke saath bahut lagaao tha isiliye shayad wah adhik dukhi tha.

Lekin jo vaastavik kaaran tha wah sirf Sanjeev ko chup karaane ki anathak cheshta karti huyi Anita aur mujhe hi widit tha.

Antarvasna Desi Stories ki paathikaon ewam paathkon agar aap us kaaran ke baare mein jaanna chahte hai to aap sab ko mere saath 25 warsh ateet mein chalna padega.

25 warsh pahle jab meri shaadi huyi thi tab mere Pati isi sanyantra ke bahut neeche ke star ke adhikaari thay tatha tab humen isi sanyantra ki awaas pariyojana mein company ki aor se ek bedroom waala ek chhota sa flat mila hua tha.

Unhin dinon mein Anita aur uske Pati company ke doosre bijlee utpaadak sanyantra se traransfer ho kar aaye thay aur unhen bhi hamaari hi imaarat mein bilkul hamaare saath waala flat hi rahne ko mila tha.

Shahar mein nayi hone ke kaaran Anita do dinon ke baad ghar ke jarurat ki samaan ke milne ke sthaan aadi ke baare mein poochne ke liye mere paas aayi, jiske baare mein maine use bata diya.
Iske baad roj, Patiyon ke kaam par jaane ke samay ya phir sabji waale se khareedari ke samay hamaari chhoti chhoti mulaakaten ho jaati thin.

Ek din mere ghar par kitty-party thi tab aas-paas ki padosiyon ewam any mahilaaon ke saath uska parichay karaane ke iraade se maine Anita ko bhi us party mein bula liya.

Us party ke baad se Anita ka mere ghar aur mera uske ghar aana-jaana shuru ho gaya aur hamaari jaan pahchaan badh kar ghanisht mitrata mein badal gayi.
Yahaan tak ki agar kabhi main subah ka chaai-naashta uske ghar karti thi to dopahar ka khana wah mere ghar karti thi ya phir iske ulta hota tha.

Bazaar ya phir kahin bhi jaana hota tha to hum dono saath saath hi jaati thi, jiske kaaran hamaari padosan humen bahnen kahne lagi thi.
Is tarah jab ek maah beet gaya tab ek din Anita ke ghar chaai peete huye maine usse poocha– Anita, Tumne bataya tha ki tumhaari shaadi 6 maah pahle huyi thi, To abhi tak santaan ki neev kyon nahin rakhi?

Anita ne uttar mein kaha– Nahin Amrita, Abhi koi neev nahin rakhi hai aur agle do warsh tak to uske rakhne ki koi sambhawna hi nahin hai.

Maine usse turant poocha– Kyon, Aisi kya baat hai? Kya koi samasya hai ya phir koi aur wajah hai?
Anita boli– Nahin koi samasya nahin hai. Hum dono ne nirnay kiya hai ki agle do warsh tak hum apne vaivaahik jeewan ka anand lena chahenge aur uske baad hi pariwaar badhauti ke baare mein sochenge.

Isse pahle ki main usse kuch aur poochti Anita ne sawaal kiya– Amrita, Tumne to bataya tha ki tumhaari shaadi ko teen warsh ho chuke hain.
Tum to apne vaivaahik jeewan ka bahut anand le chuki ho, Phir tumne abhi tak apne pariwaar ko badhaane ke baare mein kyon nahin socha?

Anita ke is sawaal ne mere antarman ko jhinjhod diya aur mere chehre ka rang udd gaya aur udaasi ke kaale baadal chha gaye.
Jab usne mere chehre ke udte rang aur udaasi ko dekha tab wah boli- Amrita, Kya baat hai tumhen yeh achanak kya ho gaya hai? Tum achanak hi udaas kyon ho gayi ho, Kya maine koi galat baat pooch lee?

Uski baat poori hone se pahle meri aankhon se ansoo tapak pade yeh dekh Anita ne mujhe apni baahon mein le kar saantawna dene lagi.
Uski saantawna se mere dhairya ka baandh toot gaya aur main uske kandhe par sir rakh kar foot foot kar rone lagi.

Kuch der tak khul kar rone ke baad jab mera mann halka ho gaya tab maine apne ko niyantran mein karte huye Anita se alag huyi aur kaha– Nahin tumne aisi koi galat baat nahin poochi hai.
Yeh to mere bhaagya ki vidambana hai main chahte huye bhi apne pariwaar mein vriddhi nahin kar paane mein vivash hoon.

Meri baat sun kar Anita ke chehre par asmanjas ki rekhayen ubhar aayi aur wah mujhe dhaadhas bandhaate huye kaha- Amrita dhairya rakho, Sab theek ho jaayega. Kya tum apna man halka karne ke liye apni vivashta ko mujhse saajha karna chahogi?
Uski baat sun kar main boli- Anita, Meri yeh vivashta sirf mujhe aur mere Pati ko hi maloom hai. Maine ise apni Saas se bhi saajha ki thi lekin usne meri us vivashata ko nakaarte huye mujh par hi laanchhan laga diye thay.

Anita ne kaha- Amrita, Tum darro mat aur apni vivashta ko bejhijhak ho kar mujhse saajha kar sakti ho. Main tumhaari Saas nahin hoon jo tum par koi laanchhan lagaungi.
Anita ki baat sun kar main kuch der chupchaap baithi sochti rahi ki use bataun ya nahin lekin anth mein nishchay karke use sab kuch bata diya.

Maine Anita ko bataaya ki meri aur mere Pati ki aayu mein lagbhag 8 warsh ka antar hai aur main unki doosri Patni hoon.
Mere Pati ki pahli shaadi 9 warsh pahli huyi thi lekin 5 warsh tak koi bhi santaan nahin hone ke kaaran unhone apni Maa ke dabaao mein aakar pahli Patni ko talaak de diya tha. Phir ek warsh tak avivahit rahne ke baad unhone apne pariwaar waalon ke dabaao mein aakar mujhse shaadi kar lee thi.

Jab do warsh ki awdhi mein main garbhwati nahin huyi to meri Saas ne mujhe bhi baanjh ghoshit kar diya aur mere Pati ko mujhe bhi talaak dene ke liye uksaane lagi.

Jab mujhe baanjh kaha gaya tab mujhe bahut bura laga aur maine apni ewam Pati dono ki jaanch Delhi ke All India Institute of Medical Science mein karwayi thi.
Jaanch se pata chala tha ki mere Pati ke veerya mein shukraanu ki gintee kam hai tatha un shukraanu mein gatishilta bhi bahut kam hain jiske kaaran mujhe garbh nahin thahar raha tha.

Us jaanch report ko ghar ka koi bhi sadasya sweekar karne ko taiyaar nahin tha tatha mere Pati par lagataar vivaah-vichhed karne ka dabaao daalne lage.
Isliye maine apne Pati par zor daal kar unhen apna transfer is shahar ke sayantra mein karwaane ke liye vivash kar diya tha.

Iske baad Anita se aage koi baat nahin huyi aur main apne ko halka mehsoos karne lagi kyonki mere mann se bojh utar gaya tha tatha main normal condition mein aate hi apne ghar waapis aa gayi.

Agle 4 maah ka samay vyateet hote pata hi nahin chala kyonki aksar Anita mere ghar aa jaati thi ya phir main uske ghar chali jaati thi aur lagbhag hum poora poora din ek saath hi vyateet karti thin.
Hum dono mein har roz kai baaten hoti thi lekin hum dono ne ek doosre se santaan nahin hone ke baare mein kabhi bhi koi baat nahin kari.

Ek din jab Anita mere ghar aayi aur mujhe gumsum ewam udaas baithi dekha to mere paas aa kar baith gayi aur poocha- Amrita, Aaj bahut udaas dikhaai de rahi ho? Kya Amit ji se koi man-mutaao hua hai?
Anita ke sawaal sun kar maine kaha- Nahin Anita, Aisi koi baat nahin hai. Iske aage main kuch bhi nahin bol paayi aur meri aankhon mein se ansoo nikal aaye tatha main anita ke kandhe par sir rakh kar foot foot kar rone lagi.

10 minute tak Anita mujhe chup karati rahi lekin jab main chup nahin huyi to mujhe kheenchti huyi apne ghar le gayi.
Wahaan pahunch kar jab mere ansoon bahne ruke tab usne mujhse ek baar phir meri udaasi aur mere rone ka kaaran poocha.

Maine use bataaya- Ek saptaah pahle Amit ne test karaaye thay jiski report kal aayi hai. Us report mein likha hai ki unke veerya mein shukraanu ki gintee mein to kuch vriddhi to huyi hai lekin shukraanu ki gatishilta mein koi bhi sudhaar nahin hua hai.

Maine baat aage badhaate huye Anita ko bataaya- Doctor ne shukraanu ki gatishilta badhaane ke liye kuch dawaiyaan to di hain lekin saath mein yeh bhi kaha hai ki agar agle teen maah mein koi sudhaar nahin hua to mere garbhwati hone ke liye sirf teen hi raaste rah jaayenge.

Jab Anita ne mujhse un teen raaston ke baare mein poocha to main boli- Pahli vidhee mein mera dimb lekar laboratory mein Pati ke shukraanu se kritrim vaatavaran mein milan karaya jaayega aur phir us nishchit dimb ko waapis mere garbhashay mein rakh diya jaayega.

Doosri vidhee mein mere garbhashay ke andar hi stith dimb mein injection ke jariye mere pati ke shukraanu ko daala jaayega aur use garbh-dhaaran ke liye samarthit praakrtik vaatavaran mein panapne diya jaaye.

Teesri vidhee mein kisi par-purush dwaara daan kiye gaye swasth shukraanuon waale veerya ko injection ke jariye meri yoni ke andar daal diya jaayega aur use praakrtik roop se garbh-dhaaran hone diya jaayega.

Meri baat sun kar Anita ne kaha- To ismen samasya kya hai? Teen maah tak agar safalta nahin miltee to un teeno vidhiyon mein se kisi ek vidhee se garbh dhaaran karwa lena.
Anita ki baat sun kar maine kaha- Samasya ek nahin kai hain. Sabhi vidhiyon mein kisi vishesh hospital mein hi upchaar hoga. Kai baar hospital jaana padega aur prakriya ke antim charan mein to do se teen saptaah tak hospital mein admit hona padega. Pahli do vidhiyon mein to safalta dar lagbhag 35 se 40 percent hi hai aur teesri vidhee mein 60 se 65 percent tak hi hai.

Phir maine aage kaha- In vidhiyon ke liye Delhi, Mumbai, Chennai aadi bade shahar mein jaa kar rahna padega aur pahli do vidhiyon mein to kharcha bhi bahut adhik hoga jo hamaare bas mein nahin hai.
Teesri vidhee mein kharcha to kam hai lekin Pati iske bhi viruddh hain kyonki roodhiwaadi pariwaar se hone ke kaaran wah kisi par-purush ke shukraanuon se utpann huye shishu ko apnaane ke hak mein bhi nahin hai.

Meri baaten sun kar Anita bhi asmanjas mein pad gayi aur kuch der dono hi sochti rahi ki us samasya ewam widambana ko kaise hal kiya jaaye.
Lekin jab kuch bhi samajh nahin aaya tab Anita ne mujhe dhaadhas bandhaate huye kaha- Amrita, Abhi to teen maah ka samay hai aur agar eeshwar ki kripa rahi to dawaaiyon ka asar awashya hoga tatha sab theek ho jaayega.

Anita ki baat sun kar mujhe kuch aashwasan mila aur eeshwar ke bharose sab kuch chhod kar apne ko sambhaala aur apne ghar jaakar nitya-kaarya mein lag gayi.

Dheere dheere jab do maah beet gaye aur mujhe phir maahwaari aayi tab main bahut hi chinteet ho uthi.
Us din jab Anita mere ghar aayi tab main bhaag kar usse chipat kar ewam ruaansi hote huye boli- Anita, Dekho aaj phir se meri laal jhandi aa gayi hai. Samay beetta jaa raha hai aur abhi tak kuch bhi nahin hua, Mujhe bahut chinta ho rahi hai.

Usne mujh se kaha- Tum jitni chinta karogi utni hi dikkat ewam deri hogi. Tum bilkul nishchint ho kar normal ho jaao, tab dekhna, awashya hi sab theek ho jaayega.

Main turant uttar dete huye boli- Kya theek ho jaayega, Mujhe to samajh nahin aa raha hai. Agle maah meri Saas bhi yahaan aa jaayegi aur tab tak kuch bhi nahin hua to wah mera talaak awashya kara kar hi jaayegi.
Anita ne mere munh par haath rakhte huye kaha- Paagal, Aisa nahin bolte, Hamesha shubh shubh hi bola karo. Agar aas ka daaman nahin chhodogi to jaldi hi koi hal jarur milega.

Tab maine uske bagal mein baithte huye kaha- Anita, Tum ek naari ho aur kisi duvidha mein fansi huyi naari ki maansik paristhiti ko bhi achhi tarah samajh sakti ho. Main to tumhen apni chhoti Bahan hi maanti hoon aur main chahti hoon ki tum meri duvidha ko hal karne ke liye meri sahayata karo.

Meri baat sun kar wah boli- Amrita, Main bhi tumhen apni badi Bahan hi maanti hoon, lekin main tumhaari is samasya mein kya aur kaisi madad kar sakti hoon?

Main uske paas sarakte huye boli- Anita, Meri samasya ewam duvidha ka ek hal abhi abhi mere mastishk mein aaya hai lekin wah tumhaare sahyog ke bina kaaryanwit nahin ho sakta hai.

Anita ne meri baat sun kar kaha- Amrita, Jab tum tumhaare mastishk mein aaye hal ke baare mein mujhe bataaogi tabhi to pata chalega ki tumhen kis prakaar ki sahayta chahiye.
Wah jaanne ke baad hi main bata paaungi ki tumhaari madad kar sakti hoon ya nahin. Uski baat sunte hi main boli- Anita, Wah hal aisa hai jo tumhaare sahyog ke bina kabhi bhi nahin ho paayega aur mujhe poorn aasha hai ki tum meri sahayta awashya karogi.

Uske baad maine baat aage badhaate huye kaha- Anita, Maine tumhen doctor dwaara bataayi gayi teen vidhiyaan bataiyn thi. Unmen se pahli do vidhiyaan to bahut mahangi hain lekin jo teesri vidhee hai wah kuch sasti to hai lekin usme bhi hospital mein to bharti hona hi padega.
Isliye mere mastishk mein ek baat aayi hai ki agar teesri vidhee se par-purush ke shukraanu se garbh dhaaran karna hi hai to hospital ka itna kharcha kyon kiya jaaye.

Meri baat par asmanjas dikhaate huye Anita boli- Amrita, Tum kya kah rahi ho mujhe samajh hi nahin aa raha hai.
Us vidhee ke lie shukraanu ko garbhaashay ke andar ropan karaane ke liye tumhen hospital mein bharti to hona hi padega.

Yeh kahani aap AntarvasnaDesiStories.com par padh rahe hain !

Uski baat ke uttar mein maine kaha- Anita, Us vidhee mein mere andotsarg awdhi ke samay kisi par purush ke shukraanuon ko ek injection nali mein bhar kar mere garbhaashay ke mukh ke andar ropan kiya jaayega.
Bas itni si vidhee ke liye mujhe shukraanu ropan se ek din pahle aur teen din baad tak hospital mein hi bharti rahna padega jisse hamaara kam se kam 40-50 hazaar ka kharcha ho jaayega.

Meri baat sun kar Anita ne kaha- Amrita, Tumhaari baat to sahi hai lekin tumhaare paas iska koi vikalp bhi to nahin hai.
Uski baat sun kar maine thoda muskura kar kaha- Anita rani, Ek vikalp hai jis mein koi bhi kharcha nahin hai aur bilkul praakrtik roop se garbh dhaaran kiya jaa sakta hai. Lekin mere liye wah vidhee mein poornat: safalta paane ke liye tumhaare sahyog ki bahut hi adhik aawashyakta hai.

Anita gambheerta se boli- Amrita tum vistaar se bataao ki tum kya karna chahti ho aur tumhen mujhse kya sahyog chahiye?
Maine bhi turant uttar diya- Anita, Agar main doctor dwaara bataayi gayi teesri vidhee se garbhawati hone ke badle kisi par-purush se sahwaas karke hi garbh dhaaran kar loon to kuch bhi kharcha nahin hoga.

Itna sunte hi Anita mere uppar chilla kar boli- Amrita, Tum paagal to nahin ho gayi ho? Tumhen pata bhi hai ki tum kya kah rahi ho?
Agar yeh baat tumhaare Pati ewam pariwaar waalon ko pata chal gayi to tumhaare liye iske parinaam kitne bure ho sakte hain.

Maine use shaant karte huye kaha- Anita, Ismen chillane ki koi aawshyakta nahin hai. Hum shaanti se bhi is sujhaao par vichaar-vimarsh kar sakte hain. Agar yeh baat mere Pati ewam pariwaar waalon ko gyaat hogi tab unki pratikriya kya hogi iska main anumaan laga sakti hoon.
Isiliye to main tumhen apna kareebi vishwaspaatra maan kar hi tumse yeh baat kar rahi hoon. Mujhe tum par poorn vishwaas hai ki tum mere is rahasya ko kisi ke saath bhi saajha nahin karogi.

Anita ne kuch narm hote huye boli- Amrita, Jab tumhaare paas teesri vidhee uplabdh hai to phir tum yeh sab kyon karne ka soch rahi ho
Uske sawaal ke uttar mein maine kaha- Anita, Maine tumhen pahle bhi bataaya tha ki mere Pati ko teesri vidhee swikaarya nahin hai aur agar maine use karwaaya to wah meri Saas ko bata dengen aur mera talaak awashya ho jaayega.

Main yeh apne vivaahik jeewan ko bachaane ke liye aur apne Pati ewam uske rudhiwaadi pariwaar ko sirf ek santaan dene ke liye hi karna chahti hoon.

Maine aage kaha- Anita, Agar maine hospital mein par-purush shukraanu ka ropan karwa kar Maa bani to main us santaan ke saath bahut bada anyaay karoongi kyonki main use Pita ka pyaar kabhi bhi nahin dilwa paaungi.

Mere tark sun kar Anita bahut hi gambheer mudra mein kuch der sochne ke baad boli- Amrita tumhaari sthiti hi kuch aisi hai ki mujhe bhi tumhaare tarkon ka koi upyukt vitark nahin mil raha hai.
Maan lo ki tum aisa karne ka nishchay kar bhi liya to main usmein tumhaari kya sahayta kar sakti hoon aur tum kis par-purush se sahwaas karogi? Kya wah par-purush tumhaari is kriya ko jeewan bhar gopniya rakhega?

Anita dwaara uthaaye gaye sawaalon ka uttar mein maine kaha- Anita, Main koi tark nahin de rahi hoon, main to sirf yathaarth hi bata rahi hoon.
Main to nishchay karne ki dehleez par khadi hoon aur ab sirf tumhaari haan aur sahayata ka aashwasan chahti hoon.

Meri baat sun kar boli- Amrita, Kuch had tak tumhaara kahna to sahi hai lekin yeh to tumhaara persoal decision hoga ismen meri sahmati kyon chahiye? Aur tumne us par-purush ke baare mein nahin bataaya jiske saath tum sahwaas karogi aur kya wah iske liye sahmat hai?

Uske prashnon ke uttar mein maine kaha- Anita, Tumhaari sahmati isliye chahiye kyonki us par-purush ki sahmati ke liye mujhe tumhaari sahayta ki bahut hi aawashyakta hai.
Agar tum mere nishchay ka samarthan karti ho tabhi main aage baat karungi nahin to mere bhaagya mein jo hona hai uski chupchaap intezaar karungi.

Meri baaten sun kar Anita boli- Amrita, Tum aisi baaten kar ke mujhe bhaawuk bana rahi ho. Theek hai tumhaari sabhi baaton aur tarkon ke adhaar par main tumhaare nishchay ka samarthan karti hoon.
Lekin tumhaare is nishchay ke liye main kisi par-purush se tumhaare saath sahwaas karane ke lie kyon sahmat karoon? Tum khud kyon nahin karti?

Mere nishchay ke anumodan par Anita ka samarthan sun kar main khushi ke maare chilla uthi aur uchhal kar usse chipat gayi aur uske gaalon par do teen pragaadh chumban jad diye.
Meri is pratikriya par wah bahut vismeet hokar mujhe dekhne lagi aur phir ek chumban mere gaalon par karne ke baad boli- Amrita, Achha ab meri baaki prashnon ka uttar to do?

Tab maine Anita se kaha- Anita, Us par-purush ko tum jaanti ho aur is prithvi par tumhin ek insaan ho jo use mere saath sahwaas karne ke liye sahmat kar sakti ho. Tum mere liye bhagwaan ho aur meri sahayta ka aashwasan dekar tum mere sabhi bigde kaam bana sakti ho. Tumhaare dwaara kiya gaya yeh kaam mere jeewan ko khushi aur ullaas se bhar dega.

Meri baat par jhallaate huye Anita boli- Mujhe tumhaari koi bhi baat samajh nahin aa rahi, Tum seedha seedha yeh bataao ki tum mujhse kya sahayta chahti ho aur wah par-purush kaun hai?

Tab maine seedhi baat karte huye kaha- Anita, Main tumse yaani ki apni chhoti Bahan se apne kuch vishesh dinon mein tumhaare Pati ke kuch samay ke liye bheekh maangti hoon.
Main chahti hoon ki tum mere un vishesh dinon mein mujhe kuch samay ke liye apne Pati ke saath sone ki anumati de do aur unhen mere saath sahwaas karne ke liye raazi bhi karo.

Kahani jaari rahegi.
[email protected]
[email protected]

Doston meri samasya ek bachhe paida karne ki thi jiske liye mujhe 3 vikalp diye gaye thay aur saare vikalp se meri Maa banne ki sambhavna kam thi tab maine ek alag vikalp dhoondhi ab isse aage ka haal is sexy stories ke agle bhaag mein laaungi.. Aap mere agle bhaag mein meri agli vikalp ko jaan paayenge tab tak apne vichaar bhejen..

Written by

akash